Листите на ВМРО-ДПМНЕ не се гаранција за избори

Веста дека ВМРО-ДПМНЕ ќе поднесе кандидатски листи за пратеници до ДИК не е никаква гаранција дека изборите на 5-ти јуни воопшто ќе се одржат, велат за Press24 неофицијанлни извори од партијата.

Oттаму додаваат дека во ВМРО-ДПМНЕ се свесни дека во ситуација кога СДСМ бојкотира а ДУИ и ДПА се под притисок да не излезат на соочување со граѓаните, мала е веројатноста такви избори да се одржат.

Сепак, како што велат од партијата, ставот на ВМРО-ДПМНЕ бил и останува дека граѓаните се тие кои одлучуваат и даваат легитимитет и затоа не треба да се бега од избори и истите да се бојкотираат.

Досега само НДМ на Јанко Бачев достави кандидатури до ДИК. Рокот во кој партиите треба да ги поднесат листите со кандидати за пратеници истекува вечерва на полноќ.