ВОНДРЕДНА ВРЕМЕНСКА ПРОГНОЗА: Од утре големо невреме и пад на температурата
Времето утре во Македонија претпладне ќе биде сончево и топло. Попладне нестабилно облачно, на повеќе места со пороен дожд, грмежи и засилен ветер. Повеќе врнежи се очекуваат во вечерните и ноќните часови, особено во северните делови. УВ-индексот ќе изнесува 7.
Температурата ќе се движи од 24 до 35 степени.
Во Скопје претпладне сончево, а попладне нестабилно облачно, на повеќе места со пороен дожд, грмежи и засилен ветер.
Температурата ќе достигне до 33 степени.
За време на викендот ќе преовладува променливо облачно, значително посвежо и ветровито време со локални врнежи од дожд. Дневната температура ќе опадне за повеќе од 10 степени во однос на денешната и ќе биде во интервал од 20 до 29 степени.
Од понеделник се очекува стабилизирање на времето со постепен пораст на температурата. До вторник ќе дува умерен до засилен северен ветер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
