Над 170.000 евра штета од неуспешната акција на Оливер Спасовски во Липково
Над 170.000 евра ги чинеше граѓаните неуспешната полициска акција која во април годинава ја водеше тогашниот технички министер за внатрешни работи, Оливер Спасовски. Без да уапси ниту едно лице, Спасовски според информациите до кои дојде Press24 ангажирал 1495 полициски службеници кои за потребите на акцијата реализирале 32.226 работни часови, за што граѓаните платиле 130.684 евра.
Вкупно ангажирани полициски службеници |
1.495 |
Остварени работни часови |
32.226 |
Трошоци во евра |
130.364 |
Само за храна за полициските службеници, поради промашената акција на Спасовски, граѓаните платиле 21.359 евра за вкупно 4.400 оброци.
Број на оброци |
4.400 |
Трошоци во евра |
21.359 |
Спасовски ангажирал и 176 возила на МВР и 6 автобуси. Сите заедно вкупно поминале 1506 километри. Најмногу се користеле возилата „Џип Чироки“ а по нив „Пинц гауер“ и „Дефендер“
Вид на возило |
Број на ангажирани возила |
Поминати километри |
Потрошени литри гориво |
Дефендер |
15 |
1.460 |
190 |
Доџ Рам |
2 |
237 |
55 |
Комбе Фолксваген |
2 |
314 |
40 |
Возило за набљудување |
1 |
90 |
100 |
ОВ БТР |
4 |
240 |
120 |
ОВ Хермелин |
7 |
560 |
280 |
Пин гауер |
22 |
3.300 |
660 |
Џип Чироки |
122 |
400 |
52 |
Шкода Јети |
1 |
90 |
9 |
ВКУПНО |
176 |
6.681 |
1.506 |
Ниту хеликоптерите на останаа во хангарите на МВР. Спасовски 22 пати ги подигнал полициските транспортни хеликоптери М17 за да врши транспорт, што вкупно, според податоците до кои дојде Press24 чинело 22.000 евра.
Предмет |
Трошоци |
1495 полициски службеници |
130.364 евра за дневници |
4.440 оброци |
21.359 евра за храна |
22 транспорти со хеликоптер |
22.000 евра за хеликоптер |
183 моторни возила |
1.600 евра за гориво |
ВКУПНО: |
175.323 евра |
Треба да се напомене дека ставката од 175.000 воопшто не е мала дури и за македонската полиција. За споредба, едно полициско возило од моделот „Спарк“ со кого полицајците патролираат по градските средини на тендерот кој го реализираше МВР чинеше околу 8.000 евра, што значи дека доколку Спасовски не се излеташе со оваа акција која не даде никаков резултат, полицијата без проблем ќе можеше да си купи повеќе од 20 вакви возила. Познавачите на состојбите во МВР велат дека оваа сума е доволна и комплетно да се опремат сите припадници на специјалните единици.
Но за Спасовски очигледно тоа не било приоритет. Два дена сееше страв меѓу граѓаните, особено во Липковскиот регион за на крајот да излезе пред камерите и да ја излаже јавноста дека воопшто немало полициска акција, иако за тоа, потрошил неверојатни 175.000 евра.
Интересно е дека мандатот на Спасовски го одбележаа серија промашени полициски акции кои предизвикаа потсмев во јавноста но и голем срам за Македонија во меѓународни рамки.
Таков беше случајот кога Спасовски иако знаеше дека станува збор за техничка грешка за што бил навремено информиран, тој излезе на прес конференција во обид да отвори „афера“ за наводи фалсификувани лични карти, што наиде на остри реакции од страна на странската компанија која ги произведува личните документи.
Јавноста памети и дека главна преокупација на Спасовски во неговото кратко и исклучително неуспешно министерување беше каков автомобил ќе вози и каков мебел ќе има во својата канцеларија, а на прес конференциите се фокусираше на тоа, кој какво обезбедување имал.
Полициските службеници велат дека периодот кога Спасовски им бил министер ќе го паметат како време во кое полицијата служела за потсмев поради крупните грешки на првиот човек. Тие коментираат дека вистинска катастрофа ќе биде доколку овој човек, повторно се врати на чело на МВР согласно меѓупартиските договори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа