Железничката во Битола добива нов лик

Во рамки на проектот на Министерството за транспорт и врски за реконструкција на 10 железнички станици на Коридорот 10 според стандарди на ЕУ започна и целосната реконструкција на железничката станица во Битола.

Согласно проектот ќе изградат нови чекални и билетарница, ќе биде заменет кровот, подовите и фасадата, ќе биде поставена нова термичка изолација и ќе се изградат нови тоалети. Исто така комплетно ќе биде заменета водоводната и електричната инсталација, како и внатрешното и надворешното осветлување. Во станицата ќе бидат поставени системи за греење и ладење, системи за противпожарна заштита и патнички информативен систем.

Реконструкцијата се очекува да биде завршена до 23 декември оваа година.

Предвидено е според проектот финансиран од министерствата за финансии и за транспорт и врски, на железничката станица во Битола и промена на пероните и платото околу станицата на површина од околу 400 квадратни, изградба на нов паркинг простор и други корисни содржини.