Раните сеуште свежи: Книга на жалост за жртвите на страшното невреме

Во салата на Советот на Град Скопје, барака број 13 и денеска, од 9 до 16 часот ќе биде отворена книга на жалост за жртвите во катастрофалното невреме во Скопје. 

Претставниците на дипломаткиот кор веќе два дена се потпишуваа и го изразија своето сочувство во книгата на жалост. Досега  се потпиша амбасадорите на САД, Русија, Велика Британија, Србија, Албанија, Полска, Украина, претставници на амбасадите од Германија, Франција, Шпанија, Италија, Швајцарија, Грција, Словенија, Босна и Херцеговина, како и претставници на меѓународните организации УНДП, ОБСЕ и Светска Банка во Република Македонија.

Град Скопје изразува благодарност до претставниците на дипломатскиот кор за изразеното сочувство и за поддршката во овие тешки моменти за жителите на главниот град.