Живи се погребале, а пред тоа направиле прослава

Брачниот пар Драгица и Драган Мариќ од селото Појезна кај Дервента во Босна и Херцеговина организирале вечера за својот погреб, за повеќе од 200 гости.

Драган изјавил дека веќе подолго време планирал ваква вечера во негова и во чест на сопругата.

Вечерата била одржана на 20 август во центарот на месната заедница Осиња.

-Ние двајцата се запознавме во Клубот на осамени во Нови Сад. Тој пред тоа имаше два неуспешни брака, а мојот прв сопруг почина. Се засакавме на прв поглед, а кога ја добивме пензијата овде дојдовме пред 16 години и убаво ни е, се сакаме, мазиме и чуваме - раскажува Драгица покажувајќи го ѕидот на спомени, на кој се слики од Драган со бившите жени, нивна заедничка, како и постери од ФК Партизан и слика од Тито.

На гробот каде Драган го одржа прошталниот говор од животот, се покажа изработен мермерен гроб на црно-белиот тим, кој му е во срцето.

-Имав на едниот и на другиот свет две големи љубови: тоа е мојата Драгица и ФК Партизан. На овој проштален чин се одлучивме од повеќе разбирливи причини. Немаме деца, а не сакаме никому да му бидеме на трошок кога засекогаш ќе затвориме очи. Се направивме, ја уредивме горбницата и споменикот, видовме кој ни дојде на испраќањето, ги почестивме гостите и се простивме од нив без солзи, објасни Драган во својот говор на гробиштата во Појезин, велејќи дека по тоа прашање, за нив се друго е чиста формалност.

Тие приредија богата трпеза, имаше се во изобилство, а Драган и Драгица ја пресекоа тортата и ја поделија на гостите.

На крајот се се бакнаа и се заколнаа на верност и на оној свет без оглед што Драгица и не му верува толку по тоа прашање, зошто ако му се укаже можност, тој и по четврти пат ќе ја искористи.