Викенд временска: Ќе му се радуваме на снегот

Времето денеска претежно облачно со умерен до засилен северен ветер, особено во горниот дел на Повардарието. Кон крајот на денот и преку ноќта ќе има локални врнежи од дожд, кои во јужните делови повремно ќе бидат со умерен интензитет. Максималната температура ќе биде во интервал од 14 до 20 степени.

Поради спуштање на студен воздух од север и утре претпладне ќе има врнежи од дожд претежно во западните и јужните делови од земјва, кои повремено ќе бидат со умерен интензитет. На повисоките планини (надмор. вис над 1800 метри) во западниот дел од земјава врнежите ќе поминуваат во снег. Ќе дува умерен до засилен северен ветер кој ќе предизвика значително опаѓање на температурата. Од утре попладне следува период на претежно стабилно со утрински температури кои на некои места ќе  се спуштат под нула.