Тодоров: Храбриот македонски народ нема да дозволи Македонија да се федерализиара

Храбриот македонски народ нема да дозволи Македонија да се федерализиара, да се менува Устав, нема да дозволи двојазичност и проширување на Охридскиот рамковен договор. Овој народ е гарант за тоа, за независна, суверена и унитарна Република Македонија, истакна на синоќешниот мини митинг во Триангла носителот на листа во ИЕ 2 од ВМРО-ДПМНЕ Никола Тодоров, а на кој присуствуваа голем број граѓани.

-Доста нè делеа, нè парчеа, доста се изживуваа врз Македонија и Македонецот. Нема повеќе да дозволиме. Имаме наша држава Македонија, ќе ја зачуваме и ќе ја предадеме на нашите идни поколенија таква каква што сме ја направиле. Ова е библиска земја, не дозволуваме никому да се пазари ниту со Македонија, ниту со македонските национални интереси, вели Тодоров.

Во немање што да му понуди на македонскиот народ, посочи Тодоров, Заев тргна во продажба на македонските национални интереси за да дојде на власт.

-Државата е една засекогаш. За секој од нас, немаме ништо против Албанците или било кој. Кога овозможивме бесплатни учебници и превоз, овозможивме за сите. Покачените пензии, субвенции, реконстриураните улици, новите медицински опреми се за сите. Сè што правевме е за сите граѓани на Македонија, истакна носителот на листа во втората изборна единица.