Милошоски: Победа за стабилна, унитарна и економски напредна Македонија
Стабилна Македонија, унитарна, со еден официјален јазик, политичка стабилност и желба и план за економски напредок. ВМРО-ДПМНЕ и Коалицијата „За подобра Македонија“ ќе извојуваат извесна и уверлива победа на престојните парламентарни избори, порача денеска од Охрид Антонио Милошоски, носител на кандидатската листа на Коалицијата „За подобра Македонија“ во петтата изборна единица.
- После две години политичка криза, за два дена ќе имаме можност да ја решиме таа криза, со достоинствени и мирни избори и почитување на волјата на народот. Работевме и ќе работиме во интерес на сите граѓани. Досега зборуваа политичарите, в недела ќе го имаме гласот на народот, тој одлучува за Република Македонија. Да имаме 63 пратеници, во стабилно собрание и да продолжиме со конретни проекти во интерес на сите, посочи Милошоски на последниот ден од изборната кампања.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа