Груевски: Институциите мора да делуваат одговорно и професионално, тоа го очекуваме од нив
Во изминатиот период народот масовно ни се приклучуваше и ни се приклучува и ни дава сила да истраеме и продолжиме напред во оваа нова победа која ја очекуваме сите, порача лидерот на ВМРО-ДПМНЕ и носител на ИЕ 4, Никола Груевски во своето обраќање до граѓаните на Македонија, во пресрет на изборите во недела.
-Имаме уште 2 дена и треба одговорно и мирно да ги поминеме и кризата ќе заврши. Изминативе денови има многу информации и дезинформации кои кружат помеѓу граѓаните, но посебно и во рамки на изборните кампуси. Треба само мудро и со ладни глави, порача Груевски.
Испрати апел, дека институциите мора да делуваат одговорно и професионално, тоа го очекуваме од нив.
-Ова се однесува меѓу другото и најважно и на институциите со кои раководи СДСМ, а нашите пријатели од меѓународната заедница да ни помогнат партнерски и пријателски, да се справиме со предизвиците. Не заборавајте што беше главната цел на инспираторите и спроведувачите на сценариото за дестабилизација на Македонија. Сакаа од самиот почеток да не закрват и да почнеме да се однесуваме сите деструктивно и да се подели македонското ткиво за да можат полесно да делуваат против нашата држава. Се ближи крајот на сето тоа. Поминаа 2 и пол години, има уште два дена. Не дозволувајте да ви ја одземат државата и вашето право слободно да одлучувате по сопствено убедување. Храбро, гордо и достоинствено сите заедно да се спротивставиме на сето ова што се случува, порача Груевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
