Во Штип пуштена во употреба новата пешачка и велосипедска патека
Заврши изградбата на пешачката и велосипедска патека во должина од три километри и 700 метри покрај течението на реката Брегалница меѓу штипските населби „8 ми Ноември“ и „Сењак“. Градоначалникот на Општина Штип, Илчо Захариев кој присуствуваше на пуштањето на патеката во употреба истакна дека штипјани, пезнионерите, рекреативците и спортистите добиваат нова патека за рекреација и спортување.
– Ова ќе биде шеталиште за штипјани, највеќе ќе добијат жителите на населбите 8 ми Ноември, Сењак и Баби, но посебно ќе ги доближиме двете населби кои граничат со оваа наеслба, а тоа е населбата Македонка, каде луѓето мораа да одат преку населбата Железничка, за да стигнат во градот, населбата Балканска исто така ќе добие многу затоа што ќе добијат пристапна пешака патека, која е побезбедна, ќе се направат и два моста. Тие веќе постојат, но ние ќе ги прилагодиме за пешаци, вели Захариев.
Тој додаде дека во текот на наредниот период оваа патека ќе добие и урбана опрема и улично осветлување, а проектот чини 200.000 евра. Наредната година продолжува и третата фаза од оваа патека, односно изградба од населбата Сењак до приградската населба Стар Караорман.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа