Турски државјани ограбени во Македонија
Непознат сторител синоќа ги ограбил Л.Д. (28) и А.Ц. (31) од Турција, кои живееле како потстанари во село Мрзенци, Гевгелиско. Насилно им одзел 5.000 евра и часовник „Ролекс“ вреден 7.000 евра, соопшти полицијата.
Немилиот настан се случил во 19:30 часот кога разбојникот, маскиран и вооружен со пиштол, дошол до влезната врата на куќата и најпрво ја турнал Л.Д., по што со пиштолот го удрил А.Ц. во пределот на главата. Откако овој паднал, сторителот ја извршил кражбата и побегнал во непознат правец.
Увид е извршен, се преземаат мерки за негово пронаоѓање и за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
