По средбата со Могерини ДУИ одржува Централно претседателство: Кои се следните чекори?

Централното претседателство на Демократската Унија за Интеграција денеска ќе има состанок во Мала Речица. На состанокот ќе се оценуваат пораките кои лидерот Али Ахмети ги добил вчера на средбата со високата претставничка на ЕУ, Федерика Могерини.

Ахмети синоќа на средбата истакна дека институционалната и системска криза не смее да се претвори во етничка и дека ќе останат посветени на изнаоѓање решение. 

- Владеењето на правото, владеењето на законот, веродостојни институции, заокружување на Охридскиот Договор, добрите меѓуетнички и добрососедски односи како и интеграцијата во НАТО и ЕУ се нашите приоритети, нагласи Ахмети.

Централното претседателство на ДУИ денеска ќе дискутира и за средбата со лидерот на СДСМ, Зоран Заев.

Ќе се дискутира и за идните чекори кои треба да се превземат.