Ахмети: Вака можеме да тераме со години

Ахмети предупредува дека политичката криза во Македонија може да се влечка уште со години и дека некои политичари ја користат за да предизвикаат меѓуетнички конфликт. Коментирајќи го одбивањето на Иванов да му го додели мандатот за состав на владата на лидерот на СДСМ, Зоран Заев и секојдневните протести против албанската платформа, Ахмети вели дека политичките партии не треба да се обидуваат да профитираат од тензиите.

„Ова е политичка криза и треба да се реши со политички средства, а не од неа да се прави меѓуетнички проблем заради добивка на некои политички партии“, вели Ахмети за Ројтерс. Ахмети проценува дека ќорсокакот би можел да продолжи и „уште четири години“, за кога се предвидени следните избори.

Ахмети за Ројтерс потврди дека согласно постигнатиот коалициски договор со СДСМ, албанскиот јазик ќе биде користен во државните институции и на банкнотите. Тој, како што пренесува Ројтерс рекол дека коалициските партнери се договориле и да изберат етнички Албанец за претседател на Собранието, за првпат во независноста на државата.