Притвор за битолчанецот кој брутално ја уби сопругата

53-годишниот И.Д. од Битола, особжмничен за бруталното убиство на неговата сопруга, заработимерка притвор во траење од 30 дена за кривичното дело.

Инаку, вчера од Јавното обвинителство изнесоа детали за случајот кој ја потресе македонската јавност.

„ Oсновното јавно обвинителство – Битола до судија на претходна постапка при Основен суд – Битола достави Предлог за определување на мерка – притвор против едно лице за сторено кривично дело Убиство од чл.123 ст.2 т.2 од Кривичниот законик. Предлог е доставен поради постоење на основано сомнение дека осомничениот на 13.03.2017 година, поради претходно нарушените меѓусебни односи, во дневната соба од заедничкиот дом со вршење на семејно насилство ја лишил од живот неговата сопруга Е.М.Д. од Битола. Осомничениот со повеќе удари со тапо тврди средства – дрвени сукала ја удирал по главата оштетената нанесувајќи и повеќе повреди, од што настапил смртен исход. Постапката по наведената кривична пријава е во тек.​​“ - велат од обвинителството.

Во период од 9:35 до 9:40 сопругот излегол од зградата и отишол во гаражата претходно заклучувајќи ја влезната врата од станот однадвор. Кога се вратил влезната врата била отворена, по што И.Д. ја пронашол сопругата облеана во крв во горниот дел од телото, беше првичната информација од МВР според која мажот тврдел дека не е виновен за убиството и дека неговата сопруга била убиена додека тој бил во гаражата.

Дополнителната истрага сепак покажала дека главен осомничен за убиството на жената е токму нејзиниот сопруг.