Реновирани детски игралишта во Кочани
Општина Кочани заврши со преуредувањето и поправката на реквизитите во детските игралишта во градот и населените места, кои во изминатите месеци страдаа од несовесните граѓани и нивниот вандалски однос.
- Со средства од Буџетот на општината се зафативме со преуредување, поправка и поставување на нови реквизите во детските игралишта во градот и населените места во општината. Вкупно се 15 и на истите е извршена целосна замена на скршените реквизити и поставени се нови. Оваа активност ја реализираме веќе осма година по ред пред доаѓањето на пролетта, изјави градоначаникот Ратко Димитровски.
Во акцијата за обновување на старите и поставување на нови реквизити во детските игралишта во општина Кочани со своја активност се вклучи и комуналното јавно претпријатие „Водовод“.
Според Димитровски, општината, комуналните редари и полицијата во содејство ќе делуваат за спречување на уништувањето на реквизитите во детските завабни паркови во општина Кочани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
