Штипските стечајци добија хуманитарни пакети од Унијата на жени и Унијата на млади сили на ВМРО-ДПМНЕ
Стечајните работници од Штип денеска добија хуманитарни пакети од Унијата на жени и Унијата на млади сили на ВМРО-ДПМНЕ-Штип.
Весна Ничева претседателка на Унијата на жени на ОК ВМРО ДПМНЕ-Штип, истакна дека во акцијата за собирање на прехранбени производи биле вклучени жените и младите од оваа партија, а биле донирани 65 хуманитарни пакети.
-Успеавме да обезбедиме намирници за во домаќинството и решивме да ги подариме на ранливата категорија наши сограѓани, односно на стечајните работници, рече Ничева.
Таа истакна дека Унијата на жени на ВМРО-ДПМНЕ-Штип по повод велигденските празници ги посетиле и средношколците со посебни потреби од државното Специјално средно училиште „Искра“, на кои им биле донирани подароци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа