Голем пожар во Маврово: Дете добило тешки изгореници - таткото во безсознание

Петгодишно девојче добило тешки изгореници во пожар кој ја зафатил куќата на семејство во селото Врбјане, општина Маврово-Ростуше.

Според информациите на СВР Тетово, пожарот избувнал попладнево околу 16 часот во куќата на 34-годишниот А.И. а во пожарот била повредна ќерката на сопственикот, која со изгореници по рацете, нозете и телото е згрижена во гостиварската болница, а од таму испратена како тежок случај на Клиниката за пластична хирургија.

Во бесознание бил пренесен и сопственикот на куќата, кој најверојатно при пожарот вдишал од чадот и се онесевестил.

Брзата интервенција на пожарникарите спречила да се рашири пожарот.