Го пријавила тригодишното дете за исчезнато - полицијата ја открила морбидната вистина

На 32-годишна мајка и е одреден притвор поради сомнение дека си го убила својот тригодишен син, а потоа пријавила дека исчезнал, пишуваат хрватските медиуми.

Мајката на детето и една малолетничка се договориле дека ќе го убијат детето и тоа го сториле во вторникот во хрватскиот град Пула.

Безживотното тело на детето било оставено во заливот Мандрач, а потоа 32-годишната во намера да го отежни полициското работење, половина час по полноќ лажно пријавила дека детето исчезнало.

Според хрватските медиуми, мајката убиството го извршила заедно со 14-годишна малолетничка која побегнала од Домот за грижа на деца во Пула.

Според неофицијални информации, мајката и малолетничката го признале злосторството, а според зборовите на мајката, таа „само сакала да се откачи од детето“.