МОН до јавноста: Екстерното тестирање е укинато
Министерството за образование и наука денеска соопшти дека со усвојувањето на измените на Законот за основното образование, на Законот за средното образование и на Законот за наставници во основните и средните училишта од страна на Собранието вчера- 1 јуни, се укина екстерното тестирање.
Измените истиот ден се објавени во „Службен весник на Република Македонија” бр.67 и стапија во сила со денот на нивното објавување.
Со овие законски измени е укинато екстерното тестирање и нема да се спроведува. Сите отпочнати постапки во врска со екстерното проверување на знаењето на учениците запираат, соопштуваат од МОН.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа