Координативното тело заседава во Скопје, Кризниот штаб во Охрид - се следи состојбата

Тлото во Охрид со денови не престанува да се тресе, а по потресот од 5 степени по Рихтер, граѓаните се испаничени и не спијат во своите домови. Надлежните апелираат на смиреност, а денеска во Скопје се одржува состанок на националното координативно тело за справување со кризи, а во Охрид редовно заседава општинскиот кризен штаб. 

На терен се и екипи на Институтот за земјотресно инженерство кои вршат увид на оштетените објекти и јавни институции во Охрид, Сеизмолошката опсерваторија со специјална опрема ги мери потресите во епицентарот на земјотресите кај селото Косел, пренесе Охридњуз.