Стојаноски: Со овие антиреформи на СДС, ние се враќаме 20 години наназад
Интегрален текст од прес конференција на ВМРО - ДПМНЕ која се одржа денес а се обрати Бојан Стојаноски
СДС со новиот ребаланс во буџетот и кратење од парите наменети за основното и средното образование ќе изврши класичен масакр во образованието и ќе уназади генерации млади деца.
СДС со ребалансот на буџетот крати 453.800.000 денари, пари наменети за основно и средно образование.
Со ова во основното и средното образование се блокираат инфраструктурни проекти, се кратат пари за реновирање и изградба на основни и средни училишта, се укинуваат пари за изградба на спортски сали во основни и средни училишта, се укинуваат и пари наменети за интегрирани училници за основното и средното образование со кои би се подобрил квалитетот на образованието на учениците.
СДС се тие што велеа дека образованието им е приоритет, а сега единствено гледаме како блокираат и укинуваат пари наменети за образованието.
СДС се тие што велеа дека најмногу ќе вложат во образованието, а денес гледаме како кратат 453.800.000 денари само од основното и средното образование. Основното и средното образование се столбот на секој образовен систем и темелот на здрави и образувани кадри.
СДС очигледно воопшто не води грижа како ќе се развиваат идните генерации на ученици.
Дополнително СДС уште еднаш ни потврди дека воопшто нема намера да вложува и да го развива образованието. Со самото тоа што кратат дури 453.800.000 денари од образованието, тие потврдуваат дека за нив инвестирањето во образованието е расфрлање. Срамно и жално. Инвестирањето во образованието е непотребен трошок, а набавката на октоподи, морска храна и цвеќиња очигледно е потребен трошок за функционерите на СДС.
Ова е начинот на владеење на СДС. Ова е образовната политика која ја нуди СДС на државата. Со овие антиреформи на СДС, ние се враќаме 20 години наназад.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа