Николов со отчет: Работевме посветено и покажавме како се гради и грижи, граѓаните на Радовиш знаат да го прeпознаат квалитетот

Вредноста во политиката не треба да биде она што ќе го кажат политичарите,  туку тоа што ќе направат тие, во Програмата 2013-2017 година ветивме 107 проекти, денес мадатот го заокружуваме со реализирани околу 200 проекти. Делата зборуваат за нас, истакна денес пред присутните граѓани градоначалникот на општина Радовиш Сашко Николов.

-Ние во изминатиот период покажавме како е да се гради,  покажавме  како треба да се грижиш за своите сограѓани, да помагаш. Нашата посветеност, реализацијата на нашата програма, и начинот на водење на политиката  вроди со плод и затоа можам  да кажам работевме и сработивме. Сработивме и многу повеќе од тоа што ветивмe, водејќи се од интересите на граѓаните реализиравме проекти кои дојдоа како нивна идеја и истите денес се реалност во општина Радовиш. Во изминативе четири години посветено не имаше на секое поле од урбаниот живот на Радовиш. Неуморно работевме со една единствена цел,  да го подобриме животот на граѓаните на општина Радовиш,  да им овозможиме барем малку поквалитетен живот од оној кој го наследивме, истакна Николов пред присутните граѓани.

Тој додаде дека делата ги прават поразлични од другите, а за нив зборуваат  резултатите. Ветено и сработено е нашиот императив, празните ветувања не се наша одлика тие им припаѓаат на нашите политички опоненти. Резултатите преточени во дела нас нe разликуваат од останатите. Она што ние го ветуваме е реално и остварливо,  Отчетот во Вашите раце е доказ за тоа, вели Николов.

Изградени 26 патишта и улици  во должина од  25,944 км.

Изградени  9 улици од бекатон  со површина од 17.585,00 м2

Изградба и реконструкција на 5 мостови во должина од  135 м.

10 Канализациони и водоводни мрежи во должина од  12,009 км.

Изградени  и реконструирани 3 училишта

Изградени  и реконструирани 3 спортски сали

Изградени  и реконструирани 15 спортски игралишта

Изградени 14 детски паркови 

Инвестиции во здравството во 5 апарати и реконструкции

–Дадениот збор, за нас во ВМРО-ДПМНЕ, претставува завет пред нашите граѓани, а токму делата го сведочат тоа. Бројните реализирани проекти им помагаат на луѓето и со тоа го прават нивниот живот поразличен, подобар, поквалитетен во повеќе сегменти за разлика од порано. Она што нашите политички опоненти го говорат се празни зборови и нереални ветувања, затоа и неможе да им се верува. Нашиот народ е мудар и добро знае зошто гласа за нас и што е разликата помеѓу нас и нив. Свесни сме дека не ги решивме сите Ваши проблеми, свесни сме дека уште многу горливи проблеми останаа за решавање и дека не секогаш можевме да излеземе во пресрет на Вашите  барања, но продолжуваме и понатаму да работиме и со заеднички сили да ги решаваме сите проблеми, вели Николов.

Градоначалникот нагласи дека на крајот од овој четиригодишен период може да каже дека оставиле трага и белег по кој ќе ги познаваат и препознаваат идните поколенија на Радовиш.

-На крајот од овој мандат можам отворено да излезам помеѓу граѓаните на општина Радовиш знаејќи дека успеавме да го подобриме животот во општината. Цврсто сме убедени дека по победата на следните избори, ќе продолжиме да работиме посветено на создавање проекти, мерки и дела што ќе го подобрат животот на сите во нашата општина, затоа што граѓаните на Радовиш знаат да го прeпознаат квалитетот и затоа што Виe драги сограѓани заслужувате подобар живот, нагласи Николов.