ВМРО-ДПМНЕ: Потребно е зголемување на буџетот и блок дотациите за детските градинки
ВМРО-ДПМНЕ во реакција на соопштението на СДСМ наведува дека воведувањето втора смена во градинките може да создаде хаос во нивното работење.
- За реализација на оваа мерка исто така потребно е и зголемување на буџетот и блок дотациите за детските градинки, а тоа не е предвидено во ребалансот за буџетот за 2017, кој е донесен токму од Владата, што е уште еден показател дека СДС е на пат да направи хаос и во градинките, посочуваат од ВМРО-ДПМНЕ.
Според ВМРО-ДПМНЕ, кадрите на СДСМ и министерката за труд и социјална политика Мила Царовска повеќе време одвојуваат за анализа на сите детали околу згрижувањето на мигрантите, наместо да се грижат за потребите на граѓаните.
- Владата на СДС нема капацитет, ниту концепт за спроведување на реформи. На 15-ти октомври СДС ќе ги стигне казната од граѓаните, додаваат од ВМРО-ДПМНЕ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа