Полиција ги сопреле на „Меџитлија„ и кај жена нашле хашиш: Се правдала дека го користи против болки
Вчера во 16 часот и 30 минути на крстосницата за село Меџитлија, од страна на полициски службеници од Полициска станица за Граничен премин и Граничен надзор „Меџитлија“ било запрено патничко возило „Мерцедес“ со битолски регистарски ознаки, управувано од 55- годишниот Т.Н од Битола.
Како сопатничка во возилото била затекната 51- годишната Е.Б од Република Албанија.
Полициските службеници извршиле преглед кај Е.Б. при што била пронајдена една најлонска ќеса со непозната растителна материја и една алуминиумска фолија со непозната растителна материја за која се изјаснила дека е опојна дрога „хашиш“ која ја користела за намалување на болки затоа што боледувала од „канцер“.
Е.Б. била приведена поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
Во 18 часот и 45 минути лицето и пронајдените предмети биле предадени на полициски службеници од Одделот за криминалистичка полиција - Одделението за недозволена трговија со дрога и оружје Битола за понатамошна постапка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа