ВМРО-ДПМНЕ: СДС и Макрадули треба да понудат итни мерки за намалување на загаденоста

Крајно безобразно и неодговорно е заменик министерот за животна средина, Јани Макрадули да ја префрла вината врз граѓаните за загадениот воздух во земјава, стои во соопштението на ВМРО-ДПМНЕ во врска со изјавата на Јани Макрадули.

-Овие денови загадувањето во  Скопје, Куманово, Тетово и другите градови  неколкупати ги надминува дозволените граници, а Макрадули наместо да понуди конкретни мерки за итно за намалување на загаденоста тој ги обвинува граѓаните и нивните навики. СДС на граѓаните на Република Македонија во текот на изборната кампања им ветуваат чист воздух и итни мерки за намалување на загаденоста, но веднаш по изборите како и се друго се испостави дека било лага и обично празно ветување, потенцираат од партијата.

Од ВМРО-ДПМНЕ велат и дека СДС и Јани Макрадули треба да им се извинат на македонските граѓани и наместо да бараат разни изговори треба да почнат да ги исполнуваат дадените ветувања.