Се ближи крајот на пролетното време - од понеделник целосен пресврт на температурите
По периодот на стабилно и суво време нов влажен бран над Македонија доаѓа за време на викендот кој ќе ги создаде првите услови за провејување на снег во Скопје. Денеска и утре се очекуваат сончеви денови со релативно високи температури за овој период од годината.
И за време на викендот продолжува периодот на стабилно и суво време со појава на магла по одделни котлини.
Во недела ќе биде пооблачно, а кон крајот на денот подрачјето на Македонија ќе потпадне под влијание на влажен бран што во текот на ноќта и во понеделник преку денот ќе услови врнежи од дожд, како и врнежи од снег на планините, па и на некои повисоки места. Ќе дува и повремено засилен северен ветер проследен со намалување на дневните температури.
Во понеделник ќе имаме утрински температури од 4 степени под нулата и токму тогаш се очекуваагт и првите услови за снег. Сепак, денот ќе биде релативно топол со околу 7 степени максимална температури што значи дека снегот доколку падне нема да се задржи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа