Најнови детали: Момчето донесено мртво на Ургентен, извршена 45-минутна безуспешна реанимација
Дваесет и четиригодишно момче почина откако во него попладнево беше пукано од возило во движење на улицата „Џон Кенеди“ во Скопје.
Полицијата потврди дека инцидентот се случил околу 17 часот и 40 минути.
Момчето е пренесено во Ургентиот центар без знаци на живот, потврдија од Клиниката за трауматологија, ортопетски болести, анестезија, реанимација, интензивно лекување и Ургентен центар (ТОАРИЛУЦ).
Директорот на ТОАРИЛУЦ, Илир Хасани за МИА изјави дека е извршена 45-минутна реанимација, но безуспешно.
На местото на настанот увид вршеа полициски службеници и се преземаат мерки за расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
