Владата препорачува: Ако сте преживеале мозочен удар или инфаркт утре останете дома

Доколку сте преживеале инфаркт или мозочен удар, Владата му препорачува на Вашиот работодавач од утре да ве ослободи од работа се додека загадувањето е високо. Препораката важи за сите граѓани од оваа категорија вез разлика на која возраст се.
Покрај нив, утре на работа не би требало да одат и болните од хронична астма но и бремените жени и луѓето постари од 60 години.
Министерството за животна средина и просторно планирање алармира дека 2 дена загадувањето на неколку точки во Скопје континуирано е повисоко од 200 микрограми на метар кубен ПМ 10 честички што е доволно да се вклучи алармот и да почнат да важат овие препораки.
Сепак, ова се само препораки но не и обврски за работодавачите па тие не се должни да ве ослободат од работа. Познавајќи ги условите во Македонија, за очекување е само мал број работници да добијат слободни денови.