Мицкоски го рестартира ВМРО-ДПМНЕ - партијата бира нов ИК

ВМРО-ДПМНЕ најверојатно утре ќе го избере новиот Извршен комитет на партијата. Според неофицијалните информации, најверојатно во текот на утрешниот ден партијата ќе го свика Централниот комитет кој треба да одлучи кој ќе членува во извршното тело на партијата.

Според неофицијалните информации до кои дојде Press24 Од партиски извори, во новиот ИК на ВМРО-ДПМНЕ се очекува да влезат многу нови лица а дел од постарите кадри да се повлечат.

Измените во партиското раководство доаѓаат во време кога ВМРО-ДПМНЕ ја бојкотира работата на Собранието поради апсењето на триесетина лица за настаните од 27 април. Не треба да биде изненадување доколку дел од луѓето кои со години беа во раководните структури на партијата да не добијат место во новиот Извршен комитет кој ВМРО-ДПМНЕ го дополнуваше пред последните избори.

Покрај кадровските измени, ВМРО-ДПМНЕ најавува и статутарни промени кои треба да го направат партискиот Статут во согласност со оние на партиите од ЕПП, каде што членува и ВМРО-ДПМНЕ. Лидерот Мицкоски вчера рече дека планира да ја модернизира партијата и да ја зголеми нејзината функционалност.

Партиски извори најавуваат дека ќе се менува и структурата на партиското раководство. Според нив, партијата ќе назначи повеќе потпретседатели, нешто што не беше случај во мандатот на претходниот лидер Груевски.

 

 

 

 

 

10.01.2018 - 13:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега