Обвинителството го расветлува синоќешното убиството на жената во Чаир
Основното јавно обвинителство (ОЈО) - Скопје го расветлува синоќешното убиство на жената во населбата Чаир. Како што соопшти, јавен обвинител донел Наредба за обезбедување и прибирање траги од местото каде се случило убиството.
Издадена била и Наредба за вршење обдукција на починатата.
„Обвинителството презема бројни дејствија во насока на утврдување на фактите во предметот и кривичната одговорност на сторителот. Истрагата на Основното јавно обвинителство Скопје продолжува“, се вели во соопштението од ОЈО - Скопје.
Од МВР денеска информираа дека четириесет и едногодишна жена од Тетово синоќа починала на пат кон болница од повреда од нож во стомакот што и ја нанел нејзин роднина во Скопје.
Синоќа во 22 часот 50 минути во СВР-Скопје било пријавено дека во куќа на улицата „Дижонска“ 33- годишниот М.Ш од Скопје со нож ја прободел во стомакот 41- годишната Ж.К од Тетово, со која бил во роднински врски, откако претходна таа го нападнала со стап.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
