МВР со детали за вчерашното убиство и самоубиство во Прилеп
Вчера во 12 часот и 15 минути во Полициската станица Прилеп, од Итна медицинска помош било пријавено дека во стан на улица „Димо Наредникот“ во Прилеп била пронајдена почината 76- годишната И.Н со прострелна рана во главата, додека во заедничката просторија од зградата пронајден бил починат и нејзиниот сопруг 81- годишен М.Н.
За време на увидот во станот бил пронајден пиштол „Застава“ калибар 9 мм, кој со дозвола го поседувал М.Н., потоа една испукана чаура, една празна рамка и една рамка со два куршуми.
Увид на местото извршиле Јавен обвинител и екипа од Полициската станица Прилеп.
По наредба на Јавен обвинител, телата на починатите биле предадени за обдукција.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа