Тешка кражба во Струмица - „оперирале“ по куќи, деловни простории и автомобили
Кривична пријава против тројца арамии од кои еден малолетник, а кои „оперирале“ цели два месеца на подрачјето на Струмица, денеска поднесе струмичката полиција до Јавното обвинителство. Кривична заработи и едно лице кое ги откупувало украдените работи.
Како што соопшти МВР кривична пријава е поднесена против лицата 22-годишниот Ѓ.Д. од село Куклиш и 26-годишниот Д.Т. од Струмица, поради постоење на основано сомневање дека двајцата, заедно со кривично-пријавен седумнаесетгодишен малолетник, во периодот од еден ден пред нова година до 21 февруари 2018 година, извршиле 27 кривични дела „тешка кражба“ и „тешка кражба во обид“ од куќи и деловни простори, како и две кривични дела „одземање моторно возило“, на подрачјето на Струмица и во село Куклиш. Исто така, а во врска со оваа криминална група, кривично пријавено е 29-годишниот В.А. од село Куклиш кое се сомничи дека сторило кривично дело - „прикривање“, на начин што од првопријавениот и малолетното лице откупувал различни предмети, иако знаел дека истите потекнуваат од извршени кривични дела.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа