Фото: Снег на патиштата низ Македонија - застој во сообраќајот кај Стража
Сообраќајот на државните патишта се одвива по претежно влажни коловози. Врнежи од снег со слаб интензитет се бележат во Маврово, Стража, Буково, Ѓавато и Плетвар.
Од 11:15 часот е укината забраната за сообраќај на тешки товарни возила на патниот правец Гостивар - Кичево преку планинскиот премин Стража. Од 11:20 часот укината е забраната за сообраќај на тешки товарни возила на патниот правец Маврово - Дебар.
Поради појава на магла намалена е видливоста кај Страцин до 200м, од с.Гајре до Попова Шапка од 30м до 40м и на Плетвар од 50м до 60м.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа