Невреме ја зафати Битола - дрва паднаа врз автомобили

Попладнево како што беше и најавено поголем дел од државава е под влијание на влажна и на нестабилна воздушна маса која се спушта од североисток и е со потекло од Црноморската депресија.

На повеќе места како и во скопскиот регион се појави пороен локален дожд, грмежи и засилен ветер, од нестабилност беше зафатена и североисточна и делови од источна Македонија, објави метеорологот Славчо Поповски.

Поголема нестабилност од кавадаречкиот регион се упати кон пелагониско и најинтензивно невремето беше над битолскиот регион каде имаше појава на невреме проследено со пороен дожд, силен ветер, електрични празнења, а локално низ државава и тоа особено на планинските места е забележана и локална појава на град.

Големо невреме предизвика материјални штети поточно се оштетени неколку возила поради пад на дрвја од силниот ветер.

Понатаму до крајот на денов продолжува нестабилното време.