Кога конечно времето ќе се стабилизира - какво време не очекува за викендот
Времето во Македонија денеска беше променливо облачно, околу пладне и попладне на повеќе места нестабилно со пороен дожд и грмежи. Дува слаб до умерен ветер од северозападен правец.
УВ=6
Утринската температура од 15 до 21, а максималната дневна температура на воздухот ќе се движи во интервалот од 25 до 33 степени.
Во Скопје променливо облачно, попладнето беше нестабилно со локален пороен дожд и грмежи. Дува слаб до умерен ветер од северозападен правец. Утринската температура достигна до 19, а дневната температура до 29 степени.
За време на викендот во поголем дел од земјава времето ќе биде посончево и потопло време, но во северните и западните планински предели не е исклучена изолирана појава на краткотраен дожд и грмежи. Во почетокот на следната недела повторно ќе биде променливо облачно, на повеќе места и нестабилно со пороен дожд и грмежи. Дневната температура ќе се задржи под просекот за овој период од годината, но ќе бележи благ пораст.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
