Цели 18 часа лежеле во локви крв – детали за тројното убиство во Дебар
Околу 18 часа телата на убиените сопружници и нивната 14 годишна ќерка лежеле во локви крв во куќата на нивните роднини во Дебар.
Убиството според полицијата се случило вчера рано наутро, според информациите околу 3 часот. Телата роднините ги пронашле после 21 часот кога влегле во куќата откако подолг период не успеале да воспостават телефонски контакт.
- Трагичниот настан се случил околу три часот по полноќ на 26 август. Трикратниот убиец, со пиштол најпрво, во спалната соба ги застрелал сопружниците А.П.(54) неговата сопруга Н.П. (54), а потоа и нивната четиринаесет годишна ќерка. По наредна на јавен обвинител од Гостивар, под чија надлежност е делото, телата се дадени на обдукција, изјави Димоски.
Државната агенција МИА повикувајќи се на изјави на очевидци објави дека убиецот е роднина со кого семејството имало банална расправија околу имотни проблеми. Семејството на настараданиот, кое има уште две возрасни деца, живеело во Италија, а во Дебар било дојдено за летниот одмор. Возрасните деца пред некој ден си заминале за Италија, каде работеле, а настарданите останале поради веселба кај нивни блиски роднини, кои, неофицијално и ја известиле полицијата.
Дебарскиот градоначалник, Ружди Љата за МИА, видно вознемирен изјави дека ваков трагичен настан не се случил во последниот век.
- Најпрво изразувам длабоко и искрено сочувство со најбилските на убиените. Навистина е жално, за што нема никакво оправдување. Ваква трагедија во нашиот град не се случил во изминатиот еден век, кусо изјави Љата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа