Требало да одат на веселба, ги нашле во локви крв - детали за тројното убиство во Дебар
Тројното убиство кое се случи во Дебар ја потресе цела македонска јавност, а ваков случај не се памети. Мајка, татко и нивната 14-годишна ќерка беа убиени на спиење во својот дом.
- Утрото во 9 часот требаше да дојдат на веселба, но не се појавија, а не одговараа ниту на телефонските повици по што роднини отидоа во нивната куќа која беше заклучена. Тогаш, забележавме дека еден од прозорите е отворен и кога влеговме внатре затекнавме две мртви тела во спалната соба и уште едно во детската соба. – изјави Муарем Поцеста роднина на починатите за Охридњуз.
Велат тие биле многу мирни луѓе и не знаат како дошло до трагедијата.
Засега нема осомничени за крвавиот настан кој ја потресе цела Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа