Малолетник од Чифлик погоден со дијабола во окото- момчето итно оперирано
Успешно е извадена дијаболата од окото на малолетното лице од пехчевски Чифлик, кое на 17 јануари беше погодено со воздушна пушка во Пехчево. Информацијата е потврдена од беровската полиција, каде на 23 јануари било пријавено дека Јавната установа – Очна клиника Скопје, истиот ден примила малолетно лице од пехчевското село Чифлик кое имало повреда на окото.
Во известувањето на Очната клиника до беровската полиција се вели дека на лицето му била извршена хируршка интервенција, при што од окото е извадена дијабола од воздушна пушка.
Претходно, на 22 јануари во 15 часот во службените простории на Полициската канцеларија Пехчево повикан е П.Ч (46) во чија семејна куќа на ул„Славчо Кацарски“ во Пехчево малолетното лице на 17 јануари околу 17 часот се здобило со повредата. Како што информираат од СВР Штип се работи на расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
