Младо момче од Македонија тешко повредено во Бугарија - автомобил се заби во камион
Дваесет и шестгодишниот Мите Бидев од Валандово е повреден во сообраќајка што се случила ноќеска во 1:30 по полноќ, на автопатот Е79 во близина на бугарскиот град Кресна, јави БГНЕС. Во сообраќајката е повреден и 46-годишен ерменски државјанин.
Двајцата се повредени во директен судар меѓу џип „ауди“, со ерменска регистрација и камион „мерцедес“, со македонски регистарски таблички. Тие со возило на брза помош биле пренесени во болницата во Сандански.
Бидев има повреди на колкот, а ерменскиот државјанин на главата и колкот.
30.01.2019 - 08:45
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
