СДСМ: ВМРО-ДПМНЕ имаше 11 години да изгради нов Клинички центар, но не го направи
Единаесет години лажни ветувања на ВМРО-ДПМНЕ оставија само оградена дупка, новиот Клинички центар е историска инвестиција во здравството, пишува во соопштението на СДСМ.
„ВМРО-ДПМНЕ имаше 11 години да изгради нов, модерен Клинички центар но не го направи!
Наместо нов клинички центар ВМРО-ДПМНЕ се посвети на криминални тендери и сопоствено богатење. Наместо грижа за граѓаните, Христијан Мицкоски се грижеше само за бизнисите со хидроцентралите што ги доби од владата на Никола Груевски кадешто беше советник.
Ниту збор не прозборе за нов Клинички центар лицемерниот Христијан Мицкоски.
Огромната дупка заградена со лимени тараби сведочи за лагите на ВМРО-ДПМНЕ дека ќе изгради Клинички центар. Токму таа дупка е показател за сето она што ВМРО-ДПМНЕ 11 години го направи во здравството – едно огромно ништо
За разлика од таквиот неодговорен и несериозен однос кон медицинскиот персонал и здравјето на граѓаните, Владата предводена од СДСМ преку одговорни политики инвестира во ефикасен и модерен здравствен систем.
Новиот Клинички центар е историска инвестиција во здравството, Македонија за првпат по 80 години ќе добие нов Клинички центар што трајно ќе ја реши потребата од интегрирани здравствени услуги за граѓаните.
Досегашниот проект за изградба на Клинички центар на постојната локација не е најдобрата опција за натамошно функционирање бидејќи невозможно е да се потигне добро сообраќајно и паркинг решение, а многу брзо ќе се јави потреба за нови, дополнителни инвестиции за санација на останатите дотраени згради во комплексот. Со тоа, новиот проект за изградба на нов Клинички центар, на долг рок е поветин и поефиксен.
Особено ако се има предвид дека предвидени 140 милиони евра не ги опфаќаа сите клиники.
Владата предводена од СДСМ останува посветена во инвестирање во здравството и градење на квалитетен, модерен и ефикасен здравствен систем кој обезбедува навремени и квалитетни здравствени услуги за сите граѓани“, се вели во соопштението на СДСМ
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
