Николоски: Апсењето на Вељаноски е неуставно и е уште еден пример на директен притисок врз неистомислениците
Ова е продолжување на теророт и притисокот кој оваа хунта го прави, смета потпретседателот на ВМРО-ДПМНЕ, Алекдандар Николоски во врска со информацијата за приведувањето на поранешниот претседател на Собранието, Трајко Велјаноски.
-Ова е злоупотреба на судството и полицијата и е директен политички притисок врз неистомислениците. Ова го прават на рати, како што им паѓа рејтингот и претставува очајнички обид кој нема врска со правото и со правдата, вели Николоски во Отворено на Алфа.
Додава дека на многу луѓе им се уништуваат животитем а премиерот Зоран Заев продолжува со притисокот врз неисотмислениците.
-Имам да му порачам дека работите се менуваат и дека треба 10 пати да размисли пред да направи нешто. Сметам и дека овој акт е неуставен бидејќи Вељаноски е пратеник во Собранието и ужива имунитет и без да му се тргне имунитетот не може ништо да превземе, вели Николоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
