СДСМ: Силјановска добива поддршка само од партии кои работат против и ЕУ и НАТО

Поддршката на партијата ГРОМ на Стевче Јакимовски за Гордана Силјаноска потврдува дека претседателскиот кандидат на ВМРО-ДПМНЕ добива поддршка единствено од оние политички чинители кои се дел од групи кои се обидуваат да ја блокираат иднината во ЕУ и НАТО, да го блокираат напредокот на државата, велат од СДСМ преку соопштение.

„Се докажува дека Силјановска е само пион на Христијан Мицкоски, партиски послушник кој се поклони на груевизмот и застана против интересите на граѓаните и државата.

На граѓаните на Република Северна Македонија не им е потребен нов Иванов, не им треба нов партиски послушник кој ќе работи против НАТО и против ЕУ.

На Северна Македонија и е потребен  вистински претседател, кој ќе застане рамо до рамо со прогресивните сили и Владата  и посветено ќе работи на процесите што значат напредок, раст и развој, членство во НАТО и интеграција во ЕУ.

Граѓаните нема дозволат нов Ѓорге Иванов и ќе ги поразат деструктивните политики на ВМРО-ДПМНЕ.  Мицкоски, Јакимовски, Силјановска и ВМРО-ДПМНЕ нека се подготват за пораз на претседателските избори“ стои во партиското соопштеие од СДСМ.