Груби: Пендаровски е наш кандидат и ДУИ е пресуден фактор за неговата победа

Се надевам дека по десет години од владеењето на Ѓорге Иванов како претседател ќе видиме попозитивни времиња, во кои цела држава со сите капацитети ќе бидат ориентирани кон Запад и дека ќе се успее час поскоро да се добие датум за отпочнување преговори со Европската Унија и да го заокружиме целосното членство во НАТО, истакна Артан Груби од ДУИ по инаугурацијата на новиот претседател Стево Пендаровски.

По изјавата на Антонијо Милошоски од ВМРО-ДПМНЕ дека за поддршката кон Пендаровски ДУИ ќе испорачува фактури до СДСМ, Груби рече дека најголемата фактура е победата на нивните политики за консензуалност.

-Пендаровски е наш кандидат и сметаме дека сме пресуден и одлучувачки фактор во неговата победа и нема зошто да испорачуваме фактури за наш кандидат кој победи на овие избори – рече тој.