Каменуван автобус на ЈСП - МВР ги идентификуваше сторителите

Синоќа во 01:10 часот во СВР Скопје било пријавено дека на булеварот „Никола Карев“, додека се движел автобус на ЈСП во правец кон Автокоманда, биле фрлени камења кон него, при што било скршено едно прозорско стакло.

Според информации на МВР, повредени лица нема. Во врска со настанот идентификувани се и повикани во полициска станица пет малолетници. По документирање на случајот ќе бидат поднесени соодветни поднесоци.