Зекири стана потпретседател на СДСМ: Довербата се стекнува, лојалноста се возвраќа

Почитта се заслужува. Искреноста се цени. Довербата се стекнува. Лојалноста се возвраќа. Ова го напиша Мухамед Зекири од СДСМ по одлуката вчера да биде избран за потпретседател на партијата.

Вчера на Централниот одбор на партијата, СДСМ донесе одлука да се изберат пет потпретседатели на партијата и тоа Мила Царовска, актуелен министер за труд и социјална политика, Коста Петров, Оливер Спасовски, актуелен министер за внатрешни работи, Мухамед Зекири, актуелен пратеник во Собранието, Дамјан Манчевски, актуелен министер за информатичко опшество и администрација.