Циклонот Викторија доаѓа кон Македонија- носи врнежи, грмежи, ветер и град
Од утре па за време на викендот нашата територија ќе биде под влијание на влажна и на нестабилна воздушна маса која ќе биде во склоп со циклонот Викторија и ќе условува развој на нестабилна облачност и тоа особено во попладневните часови, соопшти метеорологот Славчо Поповски.
Истата ќе биде проследена со локална појава на пороен дожд, грмежи и засилен ветер. Најмногу нестабилност и врнежи ќе има во сабота и тоа во најголем дел од денот и на повеќе места ќе има пороен дожд, грмежи и засилен ветер.
Локално процесите ќе бидат поинтензивни и во форма на невреме проследено со интензивен пороен дожд (над 20 л/м2), силен ветер, електрични празнења и услови за појава на град.
Во случај на појава на електрични празнења да не се претстојува на отворен простор и под осамени дрвја. Максималните дневни температури на воздухот понатаму ќе се искачуваат во интервалот претежно од 24 до 33 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа