Гостиварец ограбил автомобил, а сопственикот на возилото го фатил на дело

Надворешната канцеларија за Криминалистички работи Гостивар поднесе кривична пријава против А.Р.(63) од с.Форино, гостиварско, поради постоење основи на сомнение за сторено кривично дело „разбојничка кражба“.

На 18.02.2020 на ул.„Панче Попоски“ во Гостивар пријавениот, од паркирано возило „форд транзит“ во сопственост на М.Х.(19) од Скопје, кое не било заклучено, одзел пари.

При извршената кражба тој бил затекнат од оштетениот, кој се обидел да го спречи во намерата, но пријавениот со закана со нож го напуштил местото на настанот со одземените парични средства.