Маскирани и вооружени разбојници однеле 250.000 денари од казино во Скопје

Викендов се случила кражба во казиното „Адмирал“ во скопски Аеродром каде двајца маскирани и вооружени разбојници влегле и од вработените го собрале дневниот промет.

Според податоците од полицијата, кражбата била извршена вчера во 18 часот и 30 минути во казиното Адмирал лоцирано на булеварот „Јане Сандански“ во скопската општина Аеродром, каде маскираните и вооружени разбојници со закана со пиштол од тројцата вработени кои биле на смена, успеале да одземат 250.000 денари по што го напуштиле местото на настанот.

Полицијата трага по сторителите.