ВМРО-ДПМНЕ: Финансиерот на фашистичките клубови, Милен Врабевски, главен гостин кај СДС во влада

Финансиерот на фашистичките клубови, главен гостин кај СДС во влада, велат во соопштение од опозициската ВМРО-ДПМНЕ.

„Милен Врабевски, за кој медиумите пишуваат дека е главен финансиер на фашистичките клубови Ванчо Михајлов и Цар Борис беше главен гостин во владата на Заев. Луѓе околу Заев се луѓето кои ги отвораат фашистичките клубови, тоа и самиот Заев го има кажано јавно на бугарска телевизија.

Дали СДС ќе се огради од Заев, зошто ако не се оградат, тие се само продолжување на неговата политика, која гледаме дека верно ја следат“, стои во соопштението на партијата.

„СДС на дезертерот Ковачевски практично овозможи да се отворат фашистички клубови, и не презема ништо да го спречи нивното отворање. ВМРО-ДПМНЕ преку законски измени ќе делува да се променат имињата на клубовите, и да не може клубови со фашистички имиња да се отвораат во иднина“, додаваат од ВМРО-ДПМНЕ.